1ܐܵܚܘܿܢܘܵܬܝܼ̈؛ ܐܘܼܦ ܐܸܢ ܐ݇ܢܵܫܵܐ ܦܵܝܸܫ ܕܒܼܝܼܩܵܐ ܒܓܢܵܗܵܐ؛ ܐܲܚܬܘܿܢ ܕܒܪܘܼܚܵܐ ܝܬܘܿܢ ܬܵܪܨܘܿܢ ܠܹܗ ܒܪܘܼܚܵܐ ܡܵܟܝܼܟܼܬܵܐ؛ ܒܸܚܝܵܪܵܐ ܒܓܵܢܘܼܟܼ ܕܩܵܘܡܵܐ ܐܘܼܦ ܐܲܢ݇ܬ ܦܵܝܫܸܬ ܓ̰ܘܼܪܒܵܐ. 2ܛܥܘܿܢܘܿܢ ܝܘܼܩܪܵܐ ܕܚܲܕَ ܕܗ̇ܘ ܐَܚܹܪَܢܵܐ؛ ܕܗܲܕܟܼܵܐ ܬܲܡܸܡܝܼܬܘܿܢ ܢܵܡܘܿܣܹܗ ܕܡܫܝܼܚܵܐ. 3ܣܵܒܵܒ ܐܸܢ ܐَܢܵܫܵܐ ܚܵܫܸܒܼ ܕܝܼܠܹܗ ܡܸܢܕܝܼ ܟܲܕܼ ܠܹܐ ܝܠܹܗ؛ ܓܵܢܹܗ ܡܲܚܠܘܼܛܹܐ ܝܠܹܗ. 4ܐܸܠܵܐ ܟܠ ܐ݇ܢܵܫܵܐ ܦܘܼܠܚܵܢܵܐ ܕܓܵܢܹܗ ܗܵܘܹܐ ܨܲܚܨܘܼܝܹܐ؛ ܘܗ̇ܝܓܵܗ ܠܟܸܣ ܓܵܢܹܗ ܒܢܲܦ̮ܫܹܗ ܒܸܬ ܗܵܘܹܐ ܠܹܗ ܫܘܼܒܼܗܵܪܵܐ؛ ܘܠܵܐ ܒܐَܚܹܪ̈݇ܢܹܐ. 5ܣܵܒܵܒ ܟܠ ܐ݇ܢܵܫܵܐ ܟܵܪܬܵܐ ܕܓܵܢܹܗ ܒܸܬ ܛܵܥܸܢ. 6ܐܝܼܢܵܐ ܗ̇ܘ ܕܡܘܼܠܦܵܐ ܝܠܹܗ ܒܗܸܡܸܙܡܵܢ ܫܲܪܸܟ ܒܗܵܘ ܕܡܵܠܸܦ ܒܟܠܵܝܗܝ ܛܵܒܼܵܬܹ̈ܐ. 7ܠܵܐ ܚܵܠܛܝܼܬܘܿܢ؛ ܐܲܠܵܗܵܐ ܠܹܐ ܦܵܝܸܫ ܡܘܼܣܚܸܪܵܐ؛ ܣܵܒܵܒ ܡܸܢܕܝܼ ܕܙܲܪܸܥ ܒܲܪܢܵܫܵܐ؛ ܗ̇ܘ ܒܸܬ ܚܵܨܸܕ. 8ܗ̇ܘ ܕܙܲܪܸܥ ܠܒܸܣܪܹܗ ܡ̣ܢ ܒܸܣܪܵܐ ܚܪܵܒܼܵܐ ܒܸܬ ܚܵܨܸܕ؛ ܘܗ̇ܘ ܕܙܲܪܸܥ ܠܪܘܼܚܵܐ؛ ܡ̣ܢ ܪܘܼܚܵܐ ܚܲܝܹ̈ܐ ܕܠܐܵܒܲܕ ܒܸܬ ܚܵܨܸܕ. 9ܘܟܲܕܼ ܒܸܥܒܼܵܕܵܐ ܝܘܵܚ ܡܸܢܕܝܼ ܛܵܒܼܵܐ؛ ܠܵܐ ܣܵܩܕܵܚ؛ ܣܵܒܵܒ ܒܙܲܒܼܢܵܐ ܕܝܼܠܹܗ ܘܵܓ̰ܸܒ ܒܸܬ ܚܵܨܕܵܚ؛ ܟܲܕܼ ܠܹܐ ܣܵܩܕܵܚ. 10ܒܲܣ ܐܵܕܝܼܵܐ؛ ܐܲܝܟܼ ܕܐܝܼܬܼ ܠܲܢ ܙܲܒܼܢܵܐ؛ ܦܵܠܚܵܚ ܛܵܒܼܵܬܹ̈ܐ ܠܟܸܣ ܟܠ ܐ݇ܢܵܫܵܐ؛ ܒܘܼܫ ܙܵܘܕܵܐ ܠܟܸܣ ܒܢܘܼܢܹ̈ܐ ܕܒܲܝܬܵܐ ܕܗܲܝܡܵܢܘܼܬܼܵܐ. 11ܚܙܹܐܡܘܿܢ ܕܵܐܟܼܝܼ ܐܵܬܼܘܵܬܹ̈ܐ ܓܘܼܪܹ̈ܐ ܟܬܸܒܼܠܝܼ ܐܸܠܵܘܟܼܘܿܢ ܒܐܝܼܕܵܬܝܼ̈. 12ܐܵܢܝܼ ܕܒܲܥܝܼ ܥܵܒܼܕܝܼ ܫܘܼܒܼܗܵܪܵܐ ܒܒܸܣܪܵܐ؛ ܐܵܢܝܼ ܡܲܠܝܘܼܨܵܘܟܼܘܿܢ ܝܼܢܵܐ ܕܦܵܝܫܝܼܬܘܿܢ ܓܙܝܼܪܹ̈ܐ؛ ܐܲܚܟ̰ܝܼ ܕܒܙܩܝܼܦܹܗ ܕܡܫܝܼܚܵܐ ܠܵܐ ܦܵܝܫܝܼ ܛܪܝܼܕܹܐ. 13ܣܵܒܵܒ ܐܘܼܦ ܐܵܢܝܼ ܕܦܝܵܫܵܐ ܝܢܵܐ ܓܙܝܼܪܹ̈ܐ؛ ܒܓܵܢܵܝܗܝ ܠܹܐ ܝܢܵܐ ܒܸܢܛܵܪܵܐ ܢܵܡܘܿܣܵܐ؛ ܐܸܠܵܐ ܒܸܒܲܥܝܵܐ ܝܢܵܐ ܕܐܲܚܬܘܿܢ ܦܵܝܫܝܼܬܘܿܢ ܓܙܝܼܪܹܐ؛ ܕܒܒܸܣܪܵܘܟܼܘܿܢ ܥܵܒܼܕܝ ܫܘܼܒܼܗܵܪܵܐ. 14ܐܝܼܢܵܐ ܠܵܐ ܗܵܘܝܵܐ ܕܐܵܢܵܐ ܥܵܒܼܕܸܢ ܫܘܼܒܼܗܵܪܵܐ؛ ܐܸܠܵܐ ܐܸܢ ܒܙܩܝܼܦܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܕܒܼܝܼܹܗ ܥܵܠܡܵܐ ܙܩܝܼܦܵܐ ܝܠܹܗ ܐܸܠܝܼ؛ ܘܐܵܢܵܐ ܠܥܵܠܡܵܐ. 15ܣܵܒܵܒ ܠܵܐ ܓܙܘܼܪܬܵܐ ܡܸܢܕܝܼ ܝَܠܵܗ̇؛ ܘܠܵܐ ܥܘܼܪܠܘܼܬܵܐ؛ ܐܸܠܵܐ ܒܪܝܼܬܼܵܐ ܚܲܕَܬܵܐ. 16ܘܐܵܢܝܼ ܕܚܵܕܪܝܼ ܒܐܵܗܵܐ ܩܵܢܘܿܢܵܐ؛ ܫܠܵܡܵܐ ܗܵܘܹܐ ܥܲܠܵܝܗܝ ܘܪܲܚܡܹܐ. ܘܥܲܠ ܝܼܣܪܵܝܹܠ ܕܐܲܠܵܗܵܐ. 17ܡܐܵܕܝܼܵܐ ܥܲܠܝܼ ܐ݇ܢܵܫܵܐ ܓ̰ܵܦܵܐ ܠܵܐ ܕܵܪܹܐ؛ ܣܵܒܵܒ ܐܵܢܵܐ ܠܲܟܹ̈ܗ ܕܡܵܪܲܢ ܝܼܫܘܿܥ ܒܦܲܓܼܪܝܼ ܒܸܛܥܵܢܵܐ ܝܘܸܢ. 18ܫܵܦܵܩܲܬܹܗ ܕܡܵܪܲܢ ܝܼܫܘܿܥ ܡܫܝܼܚܵܐ ܥܲܡ ܪܘܼܚܵܘܟܼܘܿܢ؛ ܐܵܚܘܿܢܘܵܬܝܼ̈؛ ܐܵܡܹܝܢ.